生きてるだよ
みんなみんな いきてるんだよ
我到依家都仲未明白,點解我個blog既閱讀數上落咁大
有一篇什至得2 reads，這是怎麼一回事
現在又不是日記，選擇黎睇做咩．．．．．．
你黎我個ｂｌｏｇ究竟係為左咩，有特別野想睇的嗎．．．．．
某些文章一早知道唔好睇的嗎．．．．．．
唔係一日未禁入去睇，都唔知我寫乜的嗎．．．．．．
（薛丁格的ｂｌｏｇ？）
上星期五，我係一手大紀元時報，一手ｇａｍｅ書咁返學
星期日既地圖班考完後，某位阿ｓｉｒ俾左包花生 ，以後係電腦面前睇戲
就有一包食極都食唔完既花生，包括我家姐幫手食都食唔完
今朝早八點起身，睇過兩套動畫
出門去觀塘坐小巴入靈實醫院，今日五姑婆做白事
好多親戚都係大陸趕落黎，上一次見面係十姑婆做白事時
其實五姑婆係眾親人之中最不喜歡的一位，生前好多人都唔理佢
一直到死了依一刻才盡責任，始終五姑婆冇結婚，我地作為唯一既後人有責任安葬佢
等齊久違的親戚後，進入一間房
瞻仰遺容，三拜完，再依據天主教家庭既習慣念一篇天主經
封棺木，親人上車去目送火化
聽屋企人講，五姑婆死前個樣變得好唔似樣
經過化妝後，家人都話好似生前一樣，真神奇．．．．．
我要趕返學冇睇火化，親人唔會鼓勵我走堂
走之前俾左一封白色利事
入面有紙巾 糖 ＄１
紙巾用意擦眼淚？ 糖用黎甜住個心？ 我肯定＄１既來源係 用黎坐車走
只係以前＄１坐到車，依家坐唔到
所以我係銀包拎多＄４坐小巴返觀塘
係小巴上，一直聽 生きてるだよ．．．．．．
返到觀塘都係１２點２５左右
去ｍ記買ｄ野返到課室先算
之後當住係阿ｓｉｒ面前拎手機出房門，約許孝６點去俾團長簽名
之後等課堂上到一半，等同學返齊，再拎袋ｍ記外賣出房門落樓下食
（始終系主任，係佢面前食飯上堂好唔俾面）
依一堂得兩個鐘，因為借本爆漫俾同學等佢睇完
又去人地班到坐堂，電腦堂，而且係星期一學過既野，聽阿ｓｉｒ再講多次．．．．．
因為星期一就上堂試過一次，有能力教人地班同學點樣做了．．．．．．
順便上載左一堆過去既習作／功課上ｙｏｕｔｕｂｅ
自己去搵吧，唔ｐｏｓｔ了
http://www.youtube.com/chleo3399
因為係限時落堂前交既功課，課堂時間有限，要控制個軟件良好又唔係易事
所以一定有做得唔好既地方，這是合情合理的．．．．．．
去到４點半，等同學落堂就走人返屋企
返到屋企家姐話成件白事好簡單，當然吧，五姑婆實在生前太被冷落
聚一聚只係盡義務，再加上五姑婆唔信任何宗教，堆屋企人連天主教既形色都唔洗做
好似仲有一封紅色利事，支針同兩個＄１都唔知咩意思，難道又係坐車用？
係屋企坐一陣就走人，借還漫畫，有爆漫第３期，第４期仲係好搶手借唔到
ｒｅｃ第１０期仲未借到，究竟邊班仆街同我爭書．．．．．．
明明堆漫畫都出左一個月．．．．．．．
之後慢慢行去地鐡站，慢慢坐車到油塘
等許孝同團長，簽名報遠足班交ｆｏｒｍ
事成回家
食完飯，９點過後，有隻巨型昆蟲飛左上我個天花板逗留
估計打直長超過７ｃｍ 打橫長超過１０ｃｍ
好恐怖．．．．．．．
