一直到昨日先知，ｔｖｂ又播旋風管家

但係就譯做「爆笑管家」，算係跟香港代理譯名「爆笑管家工作日誌」

反正中港台無一個譯名同日文原意接近

其實依家無線播第一季，１～５２集

都叫做好笑既

但我依家睇漫畫睇到最新一期， 就算有笑點我都笑唔出

實在好傷感．．．．．．

日文原版有左日本ｏｐ字幕，因為依家進入數碼化既年代

機頂盒會自動彈字幕，無線唔可以係片到自己再加字幕，就係咁無線老馬了

一邊唱自己作詞作曲既ｏｐ，但畫面字幕就係日文原ｏｐ字幕

所以依家就係叫你播ｏｐ時自己轉返做日文啦．．．．．．．

有機頂盒既朋友應該可以關閉字幕一陣．．．．．．

對了，依個ｂｌｏｇ冇版權問題的嗎？

其實早就偷圖偷到不知所謂，相比起某些ｂｌｏｇ要加１８禁封條

我依個ｂｌｏｇ侵權到可以直接告我上法庭

所以．．．．．．．還是繼續無視生活吧

下？原來無機頂盒會ｃｕｔ做４：３咁慘架？

其實我都無係電視機睇過，只係上網下載落黎睇返

 無線唔再ｃｕｔ依種鏡頭了嗎．．．．．．

反正日本都係大約朝早１０點（所謂既深夜３４） 播依套動畫

片頭叫大家唔好摸黑睇電視係咪膠得好緊要

明明同電視保持距離都好重要．．．．．．

順帶一提，漫畫單行本做到２１期，故事既時間點

設定係２００５年１２月尾開始

直到漫畫最新一期，時間點大約仲係２００６年春夏之間

當中有幾多惡搞就睇你功力，無線既配音會有惡搞都係未知之數

無聊既話大約可以數下出現幾多次柯南銅像