話說上一篇ｂｌｏｇ的數學問題
有某個論壇還真的有人計算出來
我再偷圖
學完睇得明無用的，自己還是唔識計
機頂盒其實唔恐怖，最恐怖既都係EPS
萬惡既 EPS可以輕易從我銀行扣錢，過程只係要一張卡同六個數字
銀行戶口既數字卻是立即消失下跌
還記得ｎ年前，有位師兄用完ｅｐｓ同我講過，用ｅｐｓ買野銀行會好快冇曬錢
咁多年黎我都一直記著依番說話，冇用過ｅｐｓ
今日破例一用，果真好恐怖．．．．．．．
先無視掉我８點５０起身
再無視今日上堂用ｍｓｎ
再無視掉某位朋友向我ｓａｙ ｈｉ後問我係咪放假
再無視我答佢係ｉｖｅ上緊堂
再無視佢話唔阻我
繼續無視我係同學老師面前公然睇動畫 黑之契約者
無視今集頭五分鐘的內容
再無視我９：４５左右踏入學校，１１：３０前就放學食飯
無視以上內容看下文
食完飯同某位同學出黃金高登
佢有兩個目的，買ｈｅａｄｐｈｏｎｅ同 手提電腦「套」
我原本無目的，其實買機頂盒還是在考慮階段
因為我還有個選擇，等朋友幫我砌機再用高清手指睇
反正屋企無人會欣賞數碼制式廣播以及高清電視節目
明明用緊26吋16:9既 垃圾LCD TV ，繼續接收模擬廣播，但又唔調較回４：３畫面
結果這些年來一直忍受住４：３畫面既接收，睇１６：９強行拉闊後既輸出畫面
三番四次利用電視機功能較返做４：３畫面輸出
但屋企人繼續叫我較返做變左比例既畫面，屋企人對畫面比例既歪曲去到完全接受既地步
必須買一個機頂盒返黎調整依種思想，用實際行動去進行改變
如果覺得廢話太多還是請無視
銀行筆錢係政府批個學費資助得到的
之前就同屋企人提過有買機頂盒既意思，即使反對既感覺比較強烈
考慮到有錄影功能，壞左錄影機多年，又唔肯用錢買ｄｖｄ錄影機
長時間睇電視冇得錄影節目既不便，買機頂盒唔會冇意思
結果考慮左好耐，還是決定買了，ｅｐｓ功能實在方便
唔洗去禁機拎錢，就可以買機頂盒．．．．．．
想試下第一次破例用ｅｐｓ買野，都係今次買機頂盒既原因之一
結果交易既時間唔係好長，就解決了．．．．．．
反正依筆錢始終都係要用，科技永遠都係每日跌價，無可能等十年後跌曬價先話值得買
買完機頂盒就完成任務返得屋企
繼續無視朋友之後既節目
機頂盒當然易接駁，很快就設定好，高清台都接收良好的
事實上香港得兩個全全高清既高清台
其餘都只係５７６ｉ既標清台，只係全部用數碼廣播而已
如其叫高清台，叫數碼台更合貼．．．．．．
還是無視掉懶高清既現實吧
阿爸返到屋企，問題黎到，點樣睇無線收費電視
個機頂盒搜台搜唔到，理論上機頂盒個ｉｎｐｕｔ下面有個ｌｏｏｐ
係個ｌｏｏｐ到加多條天線落返電視機就解決問題
結果我自己落彩雲買條線，問題解決
最後一個問題，就係錄影問題
冇錯，屋企係有外置硬碟，但主要係ｆｏｒ電腦用
機頂盒掃完我個硬碟，會ｌｏａｄ得超慢最後自動重新開機
解決方法係格式化我個硬碟
電腦得８０ｇｂ，折扣後得６７．５ｇｂ
完全唔夠用，先搵個外置硬碟放野，其實都仲係唔夠用
依家兩個硬碟都接近飽和，與其再買硬碟，直接換新電腦又係可解決
又係要等朋友幫我砌機，我先可以格式化我個硬碟
所以暫時還是無法用錄影功能，這一點還是給無視掉
以後食飯睇電視都可以正常咁睇
我恥笑緊話日本香港同步播映鋼練既人，你地仲睇緊ｏｐ２既第２６集呀
我都睇完轉左ｏｐ３既第２８集，仲要過多兩日我就可以非法睇第２９集
邊個黎告我侵權，我立即製造炸彈做恐怖份子
其實ｊ２台係標清廣播，根本無高清既鋼練睇
想睇高清既 鋼練，我還是有途徑同能耐呀
只係電腦太廢我先睇黎都冇用，又係等砌機我又可以進化．．．．．．．
去到深夜，高清台突然接收返清楚．．．．．．
因為字幕組出晚了一天
原本今日就要睇６套新番，再加多一套變相７套，很痛苦，我既時間．．．．．．
請無視以上所有內容吧
